ការសិក្សាថ្មីៗពីសាកលវិទ្យាល័យ Johns Hopkins បានបង្ហាញថា ការទទួលទានកាហ្វេមិនមែនត្រឹមតែជួយឱ្យស្វាងពីងងុយដេកប៉ុណ្ណោះទេ ប៉ុន្តែវាផ្ដល់អត្ថប្រយោជន៍យ៉ាងច្រើនដល់រាងកាយ ប្រសិនបើញ៉ាំក្នុងបរិមាណត្រឹមត្រូវ៖
- ការពារសុខភាពបេះដូង៖ កាត់បន្ថយហានិភ័យនៃជំងឺខ្សោយបេះដូង និងជំងឺដាច់សរសៃឈាមខួរក្បាល។
- កាត់បន្ថយហានិភ័យជំងឺទឹកនោមផ្អែម៖ ជួយឱ្យរាងកាយដំណើរការជាតិស្ករបានល្អជាងមុន (Type 2 diabetes)។
- ការពារថ្លើម៖ ជួយឱ្យកម្រិតអង់ស៊ីមថ្លើមស្ថិតក្នុងកម្រិតសុខភាពល្អ និងការពារជំងឺមហារីកថ្លើម។
- ពង្រឹង DNA៖ កាហ្វេលីងពណ៌ក្រមៅ (Dark roast) ជួយកាត់បន្ថយការបំបែកខ្សែ DNA ដែលអាចបង្កជាជំងឺមហារីក។
- បង្ការជំងឺវង្វេង (Alzheimer’s & Parkinson’s)៖ សារធាតុនៅក្នុងកាហ្វេជួយការពារកោសិកាខួរក្បាលពីការចុះខ្សោយ។
- សុខភាពពោះវៀនធំ៖ កាត់បន្ថយការកើតជំងឺមហារីកពោះវៀនធំបានយ៉ាងប្រសើរ។
- កាត់បន្ថយអត្រានៃការស្លាប់មុនអាយុ៖ ការសិក្សាបានបង្ហាញថា អ្នកដែលទទួលទានកាហ្វេមានអត្រានៃការស្លាប់ដោយសារជំងឺបេះដូង ជំងឺដាច់សរសៃឈាមខួរក្បាល និងជំងឺទឹកនោមផ្អែម ទាបជាងអ្នកមិនញ៉ាំ។
- កាត់បន្ថយហានិភ័យនៃជំងឺមហារីកស្បែក៖ សម្រាប់ស្ត្រី ការទទួលទានកាហ្វេដែលមានជាតិកាហ្វេអ៊ីន ជួយកាត់បន្ថយការកើតជំងឺមហារីកស្បែកប្រភេទ Basal cell carcinoma បានយ៉ាងប្រសើរ។
- កាត់បន្ថយហានិភ័យនៃជំងឺធ្លាក់ទឹកចិត្ត៖ កាហ្វេជួយបង្កើនអារម្មណ៍ស្រស់ស្រាយ និងកាត់បន្ថយឱកាសនៃការកើតជំងឺបាក់ទឹកចិត្ត (Depression) បានមួយកម្រិតធំ។
