ក្រុមហ៊ុនទូរស័ព្ទប្រណីតលំដាប់ពិភពលោក Vertu បានប្រកាសប្រកួតប្រជែងក្នុងទីផ្សារស្មាតហ្វូនបត់ ដោយការដាក់លក់ជាផ្លូវការនូវម៉ូដែលថ្មី “Vertu Alphafold” ដែលផ្តោតសំខាន់លើភាពប្រណីត និងបច្ចេកវិទ្យាឆ្លាតវៃសម្រាប់ថ្នាក់ដឹកនាំ។
លក្ខណៈសម្បត្តិលេចធ្លោ៖
- អេក្រង់៖ អេក្រង់បត់ខាងក្នុងទំហំ ៨.០៥ អ៊ីញ (120Hz) និងអេក្រង់ខាងក្រៅទំហំ ៦.៥៣ អ៊ីញ។
- សម្ភារៈប្រណីត៖ ស្រោបដោយស្បែកសត្វពិតប្រាកដ (ស្បែកកូនគោ និងស្បែកក្រពើ) អមដោយគន្លឹះបត់ Titanium ដែលអាចបត់បានដល់ទៅ ៦៥០,០០០ ដង។
- បច្ចេកវិទ្យា AI (Hermes Agent)៖ ជំនួយការ AI ឯកទេសសម្រាប់ធុរកិច្ច អាចរៀបចំទិន្នន័យលក់ គ្រប់គ្រងកាលវិភាគការងារ និងកក់ការធ្វើដំណើរដោយស្វ័យប្រវត្តតាមរយៈកម្មវិធីល្បីៗ។
- កម្លាំងម៉ាស៊ីន៖ ប្រើប្រាស់បន្ទះឈីប Qualcomm Snapdragon 8 Elite រួមជាមួយថ្មជំនាន់ថ្មី Silicon-Carbon ទំហំ ៦,៥០០mAh គាំទ្រការសាកថ្មឥតខ្សែ។
- កាមេរ៉ា៖ កាមេរ៉ាក្រោយ ៣ គ្រាប់ ដោយឡេនមេទំហំ 50MP, ឡេនទូលាយ 50MP និងឡេន Telephoto 5MP។
តម្លៃផ្លូវការ៖
- ម៉ូដែលស្បែកកូនគោ (Calfskin)៖ តម្លៃ ៦,៨០០ ដុល្លារ
- ម៉ូដែលស្បែកក្រពើ (Alligator)៖ តម្លៃ ៨,៨០០ ដុល្លារ
- ម៉ូដែលពិសេស (Custom Gold & Diamonds)៖ ស្រោបមាស ១៨ការ៉ាត់ និងដាំពេជ្រ តម្លៃ ៤៣,៨០០ ដុល្លារ។
