ក្រុមហ៊ុន Huawei កំពុងត្រៀមអង្រួនទីផ្សារស្មាតហ្វូនម្ដងទៀតជាមួយត្រកូល Pura 90 Series ដែលត្រូវបានគេរំពឹងថានឹងបង្ហាញខ្លួនជាផ្លូវការនៅថ្ងៃទី ២០ ខែមេសា ខាងមុខនេះ។ យោងតាមប្រភពលេចធ្លាយចុងក្រោយ ស្មាតហ្វូនជំនាន់ថ្មីនេះនឹងមានការផ្លាស់ប្តូររូបរាង និងកម្លាំងម៉ាស៊ីនគួរឱ្យកត់សម្គាល់៖
- អេក្រង់ថ្មី (Flat Display): លាហើយអេក្រង់កោង! Pura 90 Series នឹងត្រលប់មកប្រើអេក្រង់រាបស្មើវិញ ដែលមានទំហំចាប់ពី ៦.៥៨ អ៊ីញ ដល់ ៦.៨៧ អ៊ីញ ជាមួយបច្ចេកវិទ្យាស្កេនមុខ 3D ដ៏មានសុវត្ថិភាព។
- កាមេរ៉ាកម្រិតអាជីព: ម៉ូឌែល Ultra នឹងបំពាក់សែនស័រ Telephoto ទំហំដល់ទៅ 200MP (SmartSens SCC80XS) រួមជាមួយកាមេរ៉ាគោលទំហំ 50MP ដែលមាន Aperture អាចសារ៉េបាន ផ្ដល់រូបភាពច្បាស់ឥតខ្ចោះសូម្បីតែពង្រីក (Zoom) ចម្ងាយឆ្ងាយ។
- កម្លាំងម៉ាស៊ីន និងថាមពលថ្ម: ប្រើប្រាស់បន្ទះឈីបថ្មី Kirin 9030 Series និងមានថាមពលថ្មធំសម្បើមចន្លោះពី 6,000mAh ដល់ 7,000mAh អមដោយបច្ចេកវិទ្យាសាកថ្មល្បឿនលឿន 100W។
- ប្រព័ន្ធប្រតិបត្តិការ: ដំណើរការដោយ HarmonyOS 6.1 ដែលផ្ដល់បទពិសោធន៍ប្រើប្រាស់រលូនជាងមុន និងការតភ្ជាប់កាន់តែវៃឆ្លាត។
