ស្ដេចកាមេរ៉ាហោប៉ៅជំនាន់ថ្មី DJI Osmo Pocket 4 ត្រូវបានប្រកាសចេញជាផ្លូវការហើយជាមួយការវិវឌ្ឍសមត្ថភាពគួរឱ្យភ្ញាក់ផ្អើល ដែលផ្ដោតសំខាន់លើគុណភាពរូបភាពកម្រិតអាជីព និងភាពងាយស្រួលសម្រាប់អ្នកបង្កើតមាតិកា (Creators)។
ចំណុចខ្លាំងដែលធ្វើឱ្យ Osmo Pocket 4 ក្លាយជាកាមេរ៉ាលំដាប់កំពូល៖
- សិនស័រ និងគុណភាពរូបភាព៖ បំពាក់សិនស័រ CMOS ទំហំ ១ អ៊ីញ កម្រិតខ្ពស់ ដែលអាចថតវីដេអូយឺតៗ (Slow Motion) បានដល់កម្រិត 4K/240fps។ បន្ថែមពីនេះ វាមានកម្រិត Dynamic Range ដល់ទៅ 14 Stops និងមុខងារ 10-bit D-Log ដែលផ្ដល់នូវពន្លឺ និងពណ៌ច្បាស់ល្អឥតខ្ចោះ សូម្បីតែថតក្នុងលក្ខខណ្ឌខ្សោយពន្លឺ។
- អង្គចងចាំក្នុងម៉ាស៊ីន (Built-in Storage)៖ ជាលើកដំបូងដែល DJI បន្ថែមអង្គចងចាំទំហំ 107GB មកជាមួយម៉ាស៊ីនផ្ទាល់ ជួយឱ្យអ្នកថតបានភ្លាមៗដោយមិនចាំបាច់បារម្ភរឿងភ្លេចកាត SD និងមានល្បឿនផ្ទេរទិន្នន័យលឿនដល់ 800MB/s។
- បច្ចេកវិទ្យាឆ្លាតវៃ៖ ប្រព័ន្ធទប់លំនឹង ៣ អ័ក្ស (3-axis gimbal) ដ៏ល្បីល្បាញ ឥឡូវនេះកាន់តែឆ្លាតវៃជាមួយ ActiveTrack 7.0 ដែលអាចតាមដានមុខសញ្ញាបានយ៉ាងច្បាស់ ទោះបីជាប្រើមុខងារ Zoom ដល់ទៅ ៤ ដងក៏ដោយ។
- រចនាបថ និងកម្លាំងថ្ម៖ រក្សាអេក្រង់បង្វិល (Rotating Screen) ដែលជាចំណុចពិសេស ប៉ុន្តែបានបន្ថែមប៊ូតុងបញ្ជាថ្មីៗ និង joystick កម្រិត 5D។ ចំណែកថ្មក៏ត្រូវបានពង្រឹង ដែលអាចថតបានរហូតដល់ ១៨០ នាទី (ក្នុងកម្រិត 4K/60fps)។
