Sony បានអង្រួនទីផ្សារឧបករណ៍សម្លេងម្ដងទៀត ជាមួយនឹងការចេញលក់ជាផ្លូវការនូវកាសត្រចៀកឥតខ្សែជំនាន់ចុងក្រោយបង្អស់គឺ Sony WF-1000XM6។ បន្ទាប់ពីការរង់ចាំយ៉ាងអន្ទះសារពីសំណាក់អ្នកប្រើប្រាស់ កាសជំនាន់ថ្មីនេះបានបង្ហាញខ្លួនជាមួយសមត្ថភាពលេចធ្លោបំផុត ជាពិសេសលើបច្ចេកវិទ្យាកាត់បន្ថយសម្លេងរំខាន (Noise Cancelling) ដែលត្រូវបានគេចាត់ទុកថាជា “ស្ដេចត្រាញ់” នៅក្នុងវិស័យនេះ។
រចនាបថថ្មី៖ ប្រណីត និងមានផាសុកភាពជាងមុន
Sony បានធ្វើការកែប្រែរូបរាងរបស់ WF-1000XM6 ឱ្យកាន់តែមានភាពស៊ីវិល័យ ដោយប្រើប្រាស់នូវផ្ទៃខាងក្រៅប្រភេទ Matte (ស្រអាប់) ជំនួសឱ្យផ្ទៃរលោងដែលងាយប្រឡាក់ស្នាមមេដៃ។ បើទោះបីជាតួខ្លួនមានទំហំធំជាងមុនបន្តិច ប៉ុន្តែការរចនាបែប Ergonomic ថ្មី ជួយឱ្យកាសនេះមានលំនឹងល្អនៅក្នុងត្រចៀក និងមិនបង្កការឈឺចាប់សម្រាប់ការប្រើប្រាស់រយៈពេលយូរឡើយ។
បច្ចេកវិទ្យាសម្លេង និងការកាត់សម្លេងរំខានកម្រិតខ្ពស់
អ្វីដែលធ្វើឱ្យ WF-1000XM6 ក្លាយជាជម្រើសលេខ១ ក្នុងឆ្នាំ ២០២៦ គឺ៖
បច្ចេកវិទ្យា ANC កម្រិតកំពូល៖ បំពាក់ដោយ Microphones ចំនួន ៤ គ្រាប់ក្នុងកាសនីមួយៗ (ច្រើនជាងមុន ១ គ្រាប់) និងឈីប Processor V2 ជំនាន់ថ្មីដែលគាំទ្រកម្រិត 32-bit ជួយកាត់បន្ថយសម្លេងរំខានបានកាន់តែស្ងប់ស្ងាត់ល្អ ជាពិសេសសម្លេងម៉ាស៊ីនយន្តហោះ ឬសម្លេងមមាញឹកក្នុងក្រុង។
គុណភាពសម្លេង Audiophile៖ ជាមួយ Driver ទំហំ ៨.៦ មីលីម៉ែត្រថ្មី ផ្តល់នូវសម្លេងបាស (Bass) ណែនច្បាស់ និងសម្លេងសូរខ្ពស់ (Treble) ស្រទន់ មិនឆ្កៀលត្រចៀក។
ការសន្ទនាច្បាស់ល្អ៖ បច្ចេកវិទ្យា AI ជំនាន់ថ្មី រួមជាមួយ Bone Conduction Sensor ជួយឱ្យការនិយាយទូរស័ព្ទមានភាពច្បាស់ដូចនិយាយផ្ទាល់មាត់ ទោះស្ថិតក្នុងមជ្ឈដ្ឋានដែលមានខ្យល់បក់ខ្លាំងក៏ដោយ។
កម្លាំងថ្ម និងតម្លៃ
ចំពោះថាមពលថ្ម Sony WF-1000XM6 អាចប្រើប្រាស់បានរហូតដល់ ៨ ម៉ោង (បើក ANC) និងសរុប ២៤ ម៉ោងជាមួយប្រអប់សាក។ វាគាំទ្រការសាកថ្មឥតខ្សែ និងមានអាវក្រោះការពារទឹកកម្រិត IP64។
បច្ចុប្បន្ន Sony WF-1000XM6 ត្រូវបានដាក់លក់ក្នុងតម្លៃប្រហាក់ប្រហែល ៣៣០ ដុល្លារអាមេរិក នៅលើទីផ្សារអន្តរជាតិ។ សម្រាប់អ្នកដែលកំពុងស្វែងរកកាសដែលមានគុណភាពសម្លេងល្អបំផុត និងស្ងប់ស្ងាត់បំផុតសម្រាប់ការងារ ឬការធ្វើដំណើរ WF-1000XM6 គឺជាជម្រើសដែលមិនអាចរំលងបានក្នុងឆ្នាំ ២០២៦ នេះ។
